Goussem "Wine houma hbabna"

[Fella]

...etfaqart ou 9olt....ô 9olt wine 7babi...wine djirani

...la3qal ya7dar weyghib ki nod'khol l'dik el 7ouma...
...welit n'bane fiha ghrib ya 7babi wine ntouma...oeilfermé

[abderahmane1]

Amar Ezzahi (l'absence)

الشيخ سيدي قدور العلمي

ولا ابْحالْ الهْجَرْ امْصِيبَة ~~ و اللِّي كَنَهْواهْ ~~ دَاقْ قَلْبِي كِيسَانْ اجْفَاه
تْرَكْ دَاتِي و الرُّوحْ انكِيبَة ~~ قَلْبِي كتَرْضَاهْ ~~ مَا انْعَمْ لِي رَاقِي بَدْوَاه
إيّام هَجْرِي بالعَدْ احْقِيبَة~~نَتْمَنّى مَلْقَاهْ~~ويَهْدِيهْ اعَلِيَّ مُولَاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~ و هو يا سيدي انْدْهَلْتْ حِينْ عَوَّلْ وَلْفِي وَنْوَى إيغِيبْ~~~
وَالَفْتْ كُلْ يُومْ انْشُوفُه ~~و نمَتَّعْ النَظْر في احْرُوفُه ~~و اجْوَارْحِي عليه إيْرُوفُوا
طَبْعْ لَغْزَيَّل أَظْرِيفْ ~~ وعلى الخْوَاطَرْ أخْفِيفْ ~~ قَدْ الهْفِيفْ
حَازْ الأَدَبْ و طِيبَة ~~ يَرْحَمْ مَنْ رَبَّاه ~~ عَوْضْ سِيدِي مُحَالْ انْرَاهْ
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~و هو يا سيدي وَدَّعْتْ قَامَةْ الغُصْنْ المَيَّاسْ الرْطِيبْ ~~~
اسْتَحْيَا و انْعَصْرَتْ اخْدُودُه ~~و فَتَّحْ من الغْلَاسْ اوْرُودُه~~ و تنَيْمُوا اشْفَارْ اتْمُودُه
لُونُه اتْقُول عَسْجَاد ~~بَاهِي شرِيقْ وَقَّادْ~~يَفْجِي انْكَاد
مَنْ يَشْرَبْ كاس الصْهِيبَة~~ويَنَاظَرْ في بْهَاه~~مَالْكِي سُبْحَان من انْشَاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~و هو يا سيدي مازَلْتْ نَرْتَجَى وَلْفِي يَرْجَعْ في اقْرِيبْ~~~
في الله الكْرِيمْ انْطَمْعُوا ~~إيْلَمْ شْمَلْنَا انْجْتَمْعُوا ~~و سْوَايَعْ السْرُورْ إيرَجْعُوا
لأنِّي اعْشِيق مُولُوع ~~مَانَا ادْهِيشْ مَفْزُوعْ~~عَاطِي الطُّوعْ
ما نَهْرَبْ مَن الكْسِيبَة~~تابع غِيْر ارْضَاه~~كَمَا يْطِيعْ العَبْدْ لمُولَاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~و هو يا سيدي لا كتب ارسول إيجي من عند الحبيب~~~
واجْمِيعْ مَنْ الْقِيتْ أَنسَالُه~~وانْقُول له حْبِيبِي مَالُه ~~ما بَانْ ما اظْهَرْ بَاخْيَالُه
بَعْدَ ما اطْرَحْتْ الاشْكَالْ~~واقْريتْ صُورَة الفَالْ~~الخَطْ قَال
البْشَارَة لِيك اقْرِيبَة~~مَحبُوبَكْ تَلْقَاه~~بَعْدْ سَبْع أَيَّام تَرْجَّاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~وهو يا سيدي نَصْبَرْ كَما اصْبَرْ قَلْبِي العْشِيقْ النْحِيبْ~~~
قَيْسْ الغْرِيمْ بهوى لِيلة~~واشْوَاقْ عَنْتَرة من عَبْلَة~~والصّبر طب من يتبلّى
سِيفْ المْلِيحْ مَسْلُولْ~~مَاضِي ارْهِيف مَسْقُول~~بَعْدْ الوْصُولْ
يُورِيكْ أصْدُود اعْجِيبَة~~و يْمَكَّنْ بَجْفَاه~~ حِينْ قَلْبَكْ كَيَتْمنَّاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~و هو يا سيدي يصبر لعلته من لا يسخى لطبيب~~~
يَصْبَر للجْفَى و الهَجْرَة~~من لّا اسْخى بدهب و فجرة~~دَغْيَا اتْخِيبْ فيه النَّظْرَة
طَبْعَ المْلِيحْ غَدَارْ~~لا تَامْنُه إلا زَارْ~~خُدْ الاخْبَارْ
من عَنْدي بالتَجربة~~مَلحْ الزِّين اجْفَاه~~و البْهَا تِيهَانُه وتَاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~و هو يا سيدي الزين دِيمَا مَتْبُوعْ بالعْدَى و الرْقِيبْ~~~
كَجَبْحْ عامر بشَهْدْ احْلُو~~من لَّا يْطِيقْ يَلْقَى نَحْلُه~~باشْ من احْيَالْ يَوْصلْ عَسْلُه
كَكَنْزْ بين الاجْبالْ~~عَنُه اعْفارَتْ اغوَال~~آش من احْيَال
تنفع واش من اخزيبة~~يوَصْلُوا من جَاه~~هَكَدَاك الزِّينْ في مَعْنَاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~وهو يا سيدي لَو كان الجْبَالْ اسْكَنْهَا الهْوى اتْرِيبْ~~
لَو كَان الحْجَار إيْدُوبُوا~~والقَفر اينحَطَّمْ بَعْشُوبُه~~من لِيعَة الهْوَى و اكْرُوبُه
لو كَان وَادْ مَزْروبْ ~~و لا ارْيَاضْ مَخْصُوبْ~~هَادُوا اعْجُوبْ
الهْوَى والعِشْقْ امْصِيبَة~~في أول مَبْدَاه~~هَكْدَاك اتْمَامُه شوّاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~~وهو يا سيدي قُولْ الحْسُودْ شَيْدِيرُوا بالوْنِيسْ الغْرِيبْ~~
ظَنْ الجْحُودْ جِيبِي خَاطِي~~لَا مَال لَا ازْهُو في ابْسَاطي~~الكْرِيمْ قُلْت هو العَاطِي
قَلْبي اسْلِيمْ مَبْسُوطْ~~عَقْلي ارْجِيحْ مَنْشُوطْ~~حَاضِي اشْرُوطْ
والحَقْ علِيه الهِيبَة~~و المَقْصودْ الله~~حَدْ جَهْدِي مَا نَتْعَدَاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~هو يا سيدي العْشِيقْ بِين ثَلْجْ و بين اجْمَارْ اللَّهِيبْ~~
ما دَابْ لُه الثَّلجْ البَارَدْ~~ولا اطْفَى الجَمْرالوَاقَد~~وابقَى على السَّهر مَتْوَابَدْ
امْثَلْ الحَمَامْ مُفْرَادْ~~فُوْق الاْبرَاجْ غَرَّادْ~~صْاب البْلاَدْ
من فَرْكْ الطِيرْ اغْرِيبَة~~واتْقَوَّى في ابْكَاه~~لا اولِيفة لا اوْلِيفْ امْعَاه
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~و هو يا سيدي وَلَّى عَنْدْ قُومَان اليُومْ الجُودْ عَيْب~~
من جَادْ كَيْقُولُوا فَاسَدْ~~و يْتُوب عُمْره لا عَاود~~من ساعة يولّي راشد
بَاقِي الخِيرْ مُوْجُودْ~~بِوُجودْ نَاسْ الجُودْ~~نَعْمْ الوَدُودْ
يَحْسَنْ لِيَّ العْقِيبة~~لا غَيرُه نَرْجَاه~~لاَيَنْ الجَيِّد هُوْ الله
طالَتْ بْسِيدِي هَذَا الغِيبَة ~~ و تْوَحَشْتْ ابْهَاهْ~~وَلاَ قْدَرْتْ للفْرَاقْ امْعَاهْ
~~~و هو يا سيدي ظَنِّيتْ ما بْقَا سَاخِي يَسْخَى بالنْصِيبْ~~
وَيْنْ السْخَى وَيْنْ اجْوَادُه~~سَكْنُوا فَاللْحُودْ و بَادُوا~~ومضَى اخْبَارْهُمْ و افقَادُوا
من اتْمَجْدُوا في تَمْجِيدْ~~إيصِيغ لِيك النْشِيدْ~~لمن اتعيد
الابْيَاتْ وايْقُول اعْجِيبَة~~مُولَاها عَفَّاه~~حُلْ عَيْنِكْ ونْظُر مَعْطَاه