Tweet
Tura ad lseɣ aqenddur, udem-iw ad yettnur
Tacacit ɣef uqerruy-iw
Ad εebdeɣ leǧwameε d lebxur, ad cebḥeɣ lehḍur
S tesbiḥt gar ifassen-iw
A ccix ad k-d-iniɣ lehḍur, ma yeɣleṭ Ṛebbi deg lumuṛ
Imi iyi-d-yefka d Aqbayli
Yenna-d kečč ul-ik yeččur, sew ur ttketir lehḍur
M'ulac ad fiqen ilkelli
Ṛebbi ixleq-d ddunit, yefka-d sbaḥ d tmeddit
Yerna-d argaz d tmeṭṭut
Wa yelha, wihin diri-t, kečč ayen i k-yehwan tebeε-it
Ḥacama teṭṭef-ik lmut
Asmi ara ad kfun wussan-ik, iεedda lweqt-ik
Ḥsu-d ad k-iqebbeṭ rruḥ
Bqaεlaxir yekfa ccer-ik, d tinna i d lǧennet-ik
Tamurt i win yellan mecṭuḥ
Ḥekkun-d ɣef sin am wakka, ruḥen ɣer Mekka
Ad riden yeɣsan-nsen
Ṛejmen blis ɣer uẓekka, ẓullen rrekεa
Ikecem-d ar wulawen-nsen
Asmi i d-uɣalen deg lehna, wwin-d rreḥma
Cewqen zlan akraren
Mlaqan sbaḥ di lqahwa, reyḥen ɣer ṭabla
Γef lexlaṣ ttmixẓaren
Ajḥiḥ asmi ara yeɣɣar, mi yeḥrrec yuɣal d amɣar
Ar da ad s-semmin medden aɣyul
Akken i da teṭṭeṛu i uεeṭṭar, m'ulac lbiεa uεeqqar
Ittara iman-is d amehbul
Ixeddem nnif deg lεaṛ, Yezmer ad ihudd leswaṛ
Γef tewwura i yessutur
Nettwat s yiwen umecwaṛ, nedduri tiɣemmar
Nelsa nuggad ageffur
Mennaɣ a win yeẓran ssber, nek yid-s ad nehḍer
Ad nreyyeḥ deg uxxam-is
Ad mṭawaleɣ d ccer, win yeččan yexṣer
Ur da s-ɣelbeɣ ssber-is
Lakin nekni ur da t-nẓer, s yiles i nheddeṛ
Ulaḥed ua d lexyal-is
Mi nufa lḥaǧa tewεer, nebɣa ad nwexxer
Nexeddem lkurraǧ s yisem-is
-----------------------------------------------
Images : Cap Sigli (Bgayet)
Musique : Abdelkader Bouhi (Album 2011)
Montage : Mastanabal
------------------------------------------------